La Romana

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre La Romana, un despoblau de lo termin municipal de La Puebla d'Íxar. Pa atros emplegos de lo toponimo La Romana, veyer La Romana (desambigación).

La Romana
Despoblau medieval d'Aragón
Entidat  • País  • Provincia  • Comarca  • Municipio	Despoblau medieval  Aragón  Teruel Baixo Martín La Puebla d'Íxar
Partiu chudicial	Alcanyiz
Población  • Total	0 hab.
Codigo postal	44530
Parroquial  • Archidiocesi  • Arcipestrau	Zaragoza Íxar
Coordenadas	41°17’ 10’’N 0°26’27’’U
La Romana La Romana en Aragón

La Romana ye un lugar aragonés despoblau situau en lo termin municipal de l'actual la Puebla d'Íxar (comarca de lo Baixo Martín y provincia de Teruel).

Cheografía

Ye situau en la cuenca de lo río Aguas, entre Zaila y La Zaida. Se riega con una zaica de la dreita de lo río Aguas, la Richuela, que tien un nombre que ye posiblement una deformación de rigachuela.

Historia

Bi ha un chacimiento arqueolochico dito El Castillejo de la Romana, d'epoca iberica. Castellar y Castillejo son toponimos recurrents en chacimientos ibericos u celtibericos, y lo segundo a vegadas puet estar una castellanización de l'aragonés "Castelillo", "Castelello".

De lo que ye lo despoblau actual bi n'ha referencias dende por lo menos lo sieglo XIII, en latín medieval y en aragonés. Los textos en latín fan referencia a las relacions con lo monesterio de Rueda. En un primer inte dos tercios de la Romana yeran propiedat de lo sinyor de Belchit Galín Ximénez, pero la suya muller Sancha en agosto de 1202 cedió lo castiello de Romana con la suya sinyoría y toz los termins suyos a la Orden de Cistels y a l'abat de Rueda.

Bi ha referencias de la Romana en aragonés en lo libro Fuentes históricas aragonesas:

Sia termino de Zaylla; e como Tayllan e departen, enca Romana sia termino de Romana, es a saber que romane toda la Val de Basares a Zaylla. Encara queremos et mandamos dios la dita pena, que así como los ditos mullones son puestos de quiscuna de las partes que lo hayan firme et seguro.

Se sabe que en 1215 los habitants de La Romana consiguioron la construcción d'una zut que preneba las auguas de lo río Aguas a l'ueste de Zaila.

Cuan Labanha fació lo mapa d'Aragón (1710-1720), la Romana yera un lugar mes gran que atros d'arredol que huei tienen población. Lo bandido Cucaracha teneba un amagadero en las enrunas d'un pallar en la val d'Emposta, en dirección a los termins de Sastago y La Puebla d'Íxar. A mitat de lo sieglo XX yera un casal cuasi despoblau, y entre la poca presencia humana que i heba yeran lo Tio Pantojo (guarda d'una finca tamién dita la Romana) y uns pastors trasuants de Tramacastiella de Tena que i teneban una caseta pa los meses que i yeran.

Bibliografía

• (es) Concepción Contel Barea: El císter zaragozano en los siglos XIII y XIV Abadía de Nuestra Señora de Rueda de Ebro Revista de historia Jerónimo Zurita, ISSN 0214-0993, num. 27-28, 1974‑1975, pags. 195-465.

Referencias

Lugars desapareixius de la Puebla d'Íxar
Gayén | La Romana

• Datos: Q13049280